Nye Didi Galgalu i 14C28N-stål er ein oppgradert versjon av vår mest selde bushcraft-kniv - med ei fascinerande historie som knyter kontinent og knivkulturar saman.
Den originale Didi vart utvikla som eit samarbeid mellom Helle og Voetspoere: eit team med sørafrikanske eventyrarar leia av Johan Badenhorst, som har utforska fleire kontinent gjennom 30 år med aktivitet.
Anders Haglund frå Helle reiste med Voetspore-teamet frå Pretoria i Sør-Afrika til endestasjonen som gav kniven sitt namn - Dida Galgalu-ørkenen i Kenya, like ved grensa til Etiopia.
Didi er ein stor kniv for store eventyr. Den vart utvikla for for å kunne handtere alle oppgåver du kan utsetje ein kniv for under dei tøffaste tilhøva ein kan tenke seg. Den vart testa i felten i svært ulike klimaforhold - både på turane til Voetspore i Afrika og av Helle-teamet i dei nordiske landa. Ettersom samtlege av designarane var relativt røslege karar, vart skaftet designa med deira hender som utgangspunkt.
Den første generasjonen av Didi-knivar tok med seg denne trans-kontinentale kombinasjonen til valet av materiale. Det vart svensk 12C27-stål i bladet, mens tresorten i skaftet opprinneleg var tradisjonell afrikansk hardwood - Kiaat (eller Muninga).
Populariteten vaks gradvis, og i 2020 hadde kniven fått ein stor tilhengarskare i bushcraft-miljøet. Vi bestemte oss derfor for å endre skaftet til ein stabilisert tresport - kebony.
I 2022 ville oppgradere kniven ytterlegare. Det neste, naturlege steget måtte vere å bruke stålet vi stort sett alltid tyr til for kniv i bushcraft-segmentet - 14C28N - og vårt favorittmateriale for skaft - masurbjørk. Resultatet vart gjort tilgjengeleg i Japan i slutten av 2022, og vart ein stor suksess. Nå er vi stolte av å kunne tilby Didi Galgalu 14C28N til resten av verda
